Japan a Caregiver kal tur LESDE Minister in a thlah
Kobe, Japan a Caregiver hnathawk tur mi 3 chu tukin zing khan LESDE Minister Pu Lalnghinglova hmar in a office atangin a thlahliam.
Pu Lalnghinglova chuan Japan rama hnathawk tur chuan tawrhchhel te a pawimawh dawn a, Japan chuan hnathawk tur an la mamawh dawn chauh avangin, Mizo thalai te tan hun tha a la inhawng zel dawn tih a sawi. Thenawm state atang pawhin Japan a kal an awm nual tawh tih sawiin, Mizo thalai te tan tan lak a ngaih thu a sawi bawk.
LESDE Director Pu John Tanpuia pawhin thu sawiin Japan sawrkar chu India ram nen a thawkho turin kawng hrang hrangin a inhawng em em a. Northeast lam mi tan hna thawk tur a tam thu leh Mizo thalai te tan Japan ah hnathawh tur a la inhawng dawn chauh tih a sawi bawk.
India leh Japan sawrkar thawhdunna Specified Skill worker (SSW) hnuaiah Kobe International University, Japan leh Mission Foundation Movement te chuan Japanese Language course kalpuiin, he program ah hian Japanese Language N4 thleng a zir theih a. Zir chhuak te chu Certificate of Eligibility, Ministry of Justice, Japan Government in a rawn pek hnuah working visa pek an ni a, vawiin hian Japan ah Caregiver hnathawk thawk turin an kal dawn a ni.
Tun tum a Japan a kal tur te hi batch hnihna niin, MFM leh Japan sawrkar thawhdunna hnuaiah Caregiver Nursing course pass chhuak mi 24 zet chu Japan ah hnathawk a tirh an ni tawh a ni.