Geriatric Caregiver Course District 4 ah tan a ni
Vawiin khan Social Welfare Department hmalaknain District pali ah Free Geriatric Caregiver course (Kum Upate enkawl zirna) class tan a ni a. He course hi thla thum zir tur niin, Lunglei, Champhai, Mamit leh Saitual District ah te kalpui a ni a, batch khatah hian zirlai 30 zel an awm a ni. Zirlai te thla tin stipend pek an nih dawn bakah khualkhua atanga training te tan hostel a awm bawk a ni.
Zir tur ah hian chhungkua a kum upa enkawl lai neite duhsak bik an ni a. Theory class bakah District hospital theuhah practical neihpui an ni dawn a. NSDC norms a training kalpui niin, zir chhuak te chuan he certificate hmang hian India ram mai bakah foreign thlengin hospital leh Old Age home ah te an thawk thei dawn a ni.
Regional Resource Training Centre (RRTC) for Senior Citizens, Mission Foundation Movement (MFM) chu training pe tu niin, MFM hian RRTC hnuaiah hian Mizoram bakah Assam, Meghalaya & Arunachal Pradesh te a enkawl mek a ni.
Training Centre
Lunglei: PSM Training Centre, Chanmari
Champhai: CHANEM Building, Vengthlang
Saitual: Bawrhsap Multipurpose Centre
Mamit: JSS Training Centre, High School Veng
Attachment: